Dantsan Bill Canaan mtoto wa pastor Elisha Muliri akiwa amebebwa na mama yake.
Mchungaji kiongozi wa huduma ya Shekinah International yenye makao makuu
yake jijini Nairobi nchini Kenya Pastor Elisha Muliri ambaye ni mume wa
aliyekuwa kipenzi cha wengi katika medani ya muziki wa gospel afrika
mashariki na kati na nje ya bara la Afrika hayati Angela Chibalonza.
Mungu amembariki kwa zawadi ya mtoto wa kiume katika ndoa yake mpya na
mkewe kipenzi Maguy (Magret).
Katika mawasiliano na Gospel Kitaa, Pastor Muliri ambaye alikuwa nchini
Afrika ya kusini hivi karibuni kwa huduma, amesema anamshukuru Mungu kwa
zawadi hiyo ya mtoto wa kiume waliyempa jina la Dantsan Bill Canaan
kama alivyoliandika jina la mwanaye huyo wakati wa mawasiliano na GK,
ambapo kwasasa familia yake ina jumla ya watoto 4 ukiongeza na watoto 3
waliopewa na Mungu akiwa na marehemu mkewe Angela Chibalonza.
Ni miaka 5 sasa tangu kufariki kwa Angela Chibalonza, ambaye alifariki
kwa ajali ya gari akiwa na mwimbaji wake mmoja Nimrodi Makori pamoja na
dereva wake Kennedy Aluoch mnamo tarehe 22, September 2007 zikiwa
zimebakia siku nane kabla hajazindua album yake ya mwisho ''Nimekutana
na Yesu'' ambayo hata hivyo ilizinduliwa kama ilivyopangwa kwa waimbaji
mbalimbali kutoka Tanzania, Kenya na Congo ikiwa kama kumuenzi na
kumshukuru Mungu kwa utumishi wa Angela duniani, kabla hajasafirishwa
kwa mazishi nyumbani kwao Bukavu huko nchini Congo.
Kuna waimbaji wengi ambao wamenufaika kuwa chini ya Angela enzi za uhai
wake akiwemo wmimbaji nyota wa sasa bwana Solomon Mukubwa na wengineo
ambao walikuwa katika band ya Angela kama waitikiaji wake.
0 comments:
Post a Comment