H-baba.
Mwanamuziki maarufu hapa nchini H baba
anayetamba kwa miondoko ya sebene, amesema hana imani kabisa na tuzo
za muziki za Kill ( Kill Music Awards), ambazo zipo chini ya kampuni
ya bia ya Kilimanjaro, zitolewazo kila mwaka kwa wanamuziki na
watayarishaji wa muziki wa hapa nchini.
H baba ameyasema hayo hivi karibuni,
wakati wa mazungumzo baina yake na mwaandishi wetu, ambapo alisema
kuwa anakosa imani na tuzo hizo kwasababu zinaonyesha hali ya
upendeleo wa waziwazi.
Katika kulifafanua hili alisema kuwa
anashangazwa sana na waandaaji wa tuzo hizi, kutowapatia ushindi
waimbaji mahiri na mashuhuri kwa kitambo hapa nchini, kama Duly Skyes
na Mr Blue, jambo ambalo linalo mpelekea kuamini kuwa huwenda
waandaaji wa tuzo hizi, huwa na watu wao binafsi kwa kila mwaka,
wanaopendelea washinde.
Aidha katika kuzidi kufunguka juu ya
tuzo hizi, H baba alisema kuwa inawapasa watu wajue kuwa tuzo hizo
zinatolewa kiubaguzi, jambo ambalo kwa namna moja ama nyingine, huuwa
sanaa ya hapa nchini, kwa kuwakatisha tamaa wanamuziki.
Hata hivyo mwandishi wetu alipo muuliza
H baba, kuwa angependa mwaka huu kuwa mmoja kati ya washiriki wa tuzo
hizo, H alijibu kuwa hatamani hata kidogo, kwani kila ashindaye moja
kati ya tuzo hizo, huanguka kwenye game na
kutokomea kabisa.
Baadhi
ya wasanii waliotajwa na H baba kuwa wamepotezwa na tuzo hizi za
Kilimanjaro, ni pamoja na Chidy Benz na Fid Q.
0 comments:
Post a Comment